Мод тарих үндэсний өдөр: Мянгад суманд 100 ширхэг улиас мод тарилаа

• “Бүх нийтээр мод тарих үндэсний өдөр” болон “Тэрбум мод” үндэсний хөдөлгөөний хүрээнд 2024 оны хаврын мод тарих, арчлах аян энэ сарын 11-18-ны өдрүүдэд болно.

• Мөн Халзан бүрэгтэй төсөл хэрэгжих Ховд аймгийн Мянгад сумын 100 жилийн түүхэн ой энэ онд тохиож буй. Энэ хүрээнд “Халзан бүрэгтэй хөгжлийн сан”-гаас хэд хэдэн томоохон ажлыг хийхээр төлөвлөж буй бөгөөд Мянгад сумын төв зам дагуу 100 ширхэг улиас мод тарих ажлаар ийнхүү эхлүүлж байгаа юм.

Улиас мод нь:

•       Цөлжилтийг саармагжуулдаг

•       Хурдан ургадаг,

•       Хүчил төрөгч ихээр ялгаруулдаг,

•   100 гаруй жил насалдаг, хот суурин газар ургуулахад тохиромжтой зэрэг давуу талтай.
  

Цаашид...

Бид зөвхөн мод тариад зогсохгүй цаашид арчлан хамгаалах бүхий л боломжийг тооцоолон усалгааны системийг бүрэн шийдэж, ургуулах арчилгааг тогтмол хэрэгжүүлэх юм. Түүнчлэн компанийн зүгээс ирэх жилүүдэд ч энэхүү арга хэмжээг уламжлал болгон хэрэгжүүлэхээр төлөвлөж байна.